الإهداءات

الاخوة الاخوات الكرام : المنتدي منتداكم انشئ لخدمتكم و خدمة مدينة شندي فساهموا معنا للنهوض به

العودة   منتديات شندي اون لاين > القسم الثقافي > :: منتدي القصص و الروايات ::

:: منتدي القصص و الروايات :: للقصص و الحكايات والروايات بجميع انواعها .

الملاحظات

إضافة رد
 
أدوات الموضوع انواع عرض الموضوع
قديم 04-17-2011   #1
متنبى
Μουτανάμπι


الصورة الرمزية متنبى
متنبى غير متواجد حالياً

بيانات اضافيه [ + ]
 رقم العضوية : 236
 تاريخ التسجيل :  Feb 2011
 أخر زيارة : منذ يوم مضى (06:30 AM)
 المشاركات : 15,134 [ + ]
 التقييم :  10
 الدولهـ
Sudan
 الجنس ~
Male
 مزاجي
 SMS ~
الى من ملكت قلبى واحتلت كل شرايينى سوف احبك دوما هو قدرى وانا سعيد به
 اوسمتي
المشرف المتميز 
لوني المفضل : Blueviolet

اوسمتي

Post قصة طه وريا و ودكين رائعة ابراهيم العبادى



يقال ان هذه القصة واقعية وقد حدثت فى العام 1818 ,,, عندما اراد زعيم الشكرية (حمد ود دكين) ان يتزوج من ريا عبدالله اب كبس عنوة وكانت مخطوبة لابن عمها طه حسين اب كبس وكانت تجمع بينهم علاقة غرامية ,,, وحدثت مشاددة كلامية بين طه و ودكين فى هذا الموضوع وكادت ان تقع حرب بين الشكرية والبطاحين لولا حكمة طه ... واستجار طه بالمك نمر نسبة لضعف البطاحين فى ذلك الحين ,, وكادت ان تقع حرب ضروس بين الجعليين والشكرية لولا فطنة وحكمة ود النعيسان ,, ويقال ان المك نمر كان متزوج من شمة احمد ود دكين ,,, وقد صاغ المبدع العبادى هذه الحادثة فى قالب شعرى بديع ,,,,
واليكم قصة هذه الحادثة فى حلقااااات ,,,


 
 توقيع : متنبى

مواضيع : متنبى



رد مع اقتباس
قديم 04-17-2011   #2
متنبى
Μουτανάμπι


الصورة الرمزية متنبى
متنبى غير متواجد حالياً

بيانات اضافيه [ + ]
 رقم العضوية : 236
 تاريخ التسجيل :  Feb 2011
 أخر زيارة : منذ يوم مضى (06:30 AM)
 المشاركات : 15,134 [ + ]
 التقييم :  10
 الدولهـ
Sudan
 الجنس ~
Male
 مزاجي
 SMS ~
الى من ملكت قلبى واحتلت كل شرايينى سوف احبك دوما هو قدرى وانا سعيد به
لوني المفضل : Blueviolet

اوسمتي

افتراضي



واليكم الحلقة الاولى :
كان طه يرى حلما مرعب ومفزع حتى اصبح مصدر ارق بالنسبة له واقلق منامه و اكتشف ان بنم عمه ايضا تساورها نفس الاحلااام


قال طه :

أخوك يا ريا اخوك وكت الخيول يدبكن
أخوك يا ريا اخوك وكت الرماح يتشبكن
أخوك جبل الثبات وكت القواسي يحبكن
كم بكيت وكم قشيت دموع الببكن

قالت ريا :

وراك أسود علي ما نمت اسمع طيب
قال طه :

بسم الله قولي أخو طيب طيب
نصيح وشديد حاضر قلبي ماهو مغيب
إلا الشفتو في النوم من هوايله يشيب

الزول في الصحي مخدوم عليه شقاهو
وإن غمض شويه تجي الهموم لاحقاهو
الصف ابلبوس أنا ما بخافو لقاهو
ياليت الحلم في صحيا كان بلقاهو

قالت ريا :

كعب نوم النهار أمس العصير كنت نايمه
رأيت قدام الفريقنا أشوف صقوراً حايمه
كبيرن غار علي من نومي تبيت قايمه
صحيت مهجومه لا مفصل ولا في القايمه

قال طه :

وانتي كمان رأيتي صقور عباره غريبه
علامتا كافية ظنيت الحكايه قريبه
هاك مني الصحيح الما بتدخلو الريبه
هادي الحله بي عيني أشوف تخريبه


قالت ريا:

تف الشينه ليه فاجعني ليه يا طه
انت الدغري وانت الكاشفه ياك غطاها
كان الدنيا هادي العقبة تتخطاها
ما بضلل سماها وما ابتشيلني وطاها

وقعدت ريا تبكي:
رد عليها طه وقال :


ما بفيد البكاء وكلامي احسن تنسي
قالت ليه ريا :

كيف ما أبكي وكيف أفوت مراتع أنسي
افقد كل شي عزي ورجالي وانسي
تطلق فوقي نار عقبان تقول لي أنسي
كنا في سيرة لقاء طه وريا وهم بيحكوا لي بعض قصة الحلم

قال طه :

فال الخير أخير ما شفنا شيناً جدت
كلا لشفنا أحلام في طريقه إتعدت
قبل الليلة إيد لحمان قطْ ما اتمدت
ما بنهد شرفنا لو السماء إنهدت

قالت ريا :

خير إنشاء الله خير والخير مساك وصباحك
والفال السمح فالك يضوي مراحك
بالضيفان أشوف عامر تملي مراحك
شينك ما أشوف وأشوف هناك و أفراحك


قال طه :

خير الزول يقول مهما الامر يتهول
قالوا الناس علي فالو الحلم يتأول
غاية الحي فناه إن كان قرب إن طول
يترك ذكرو والناس الوري بتتقول

قالت ريا :

وريني الحلم التورك مذهول
قال طه :

أصبري لي أروق حبل الفكر مبهول
احكيلك شنو الشفتو والله مهول
شفت الوحده شفت النار وشفت الهول
أحكيلك تمام الشفتو ما بتغابه
جايين العصير أنا وإنتي من الغابه
سايقه ليك بهم قدامي بي رقابه
بينا والفريق إتولعت تقابه
قدر ما نشوف قدامنا نلقي حريق
وقت النار علت ما شفنا تاني فريق
باصرنا المروق ما لقينا لينا طريق
تشكي من عطش واخوك يابس ريق
فترتي قعدتي , انا محتار جلست وراكى
حاقبه الدرقة ختيت سيفي فوق أوراكى
وكت بعد البهم لى قسعو قمتى براكى
غسعتي وجيتي ومعاك كور صقور تبراكى
تبت بي عجل شافنى جفلن و طارن
غابن من عيوني وفي اللعوت اتضارن
ما غابن كتير جن يقدلن يتبارن
قدامن كبيرن عينني وغارن
سل السيف ولاقاهن أخوك يالضامره
تور عنز أم هشيم الفي المجامع دامره
سيل تلوى اندفق فوقو السحائب هامره
حجر الصاقعه فرتاك الصفوف العامره
بادرني الكبير ديك إستعدن وقفن
ما مهلتو طار راسو وجناحي يرفن
طارن ديك وقت بي ريشو رقد اتكفن


 
 توقيع : متنبى

مواضيع : متنبى


التعديل الأخير تم بواسطة متنبى ; 04-17-2011 الساعة 10:08 PM

رد مع اقتباس
قديم 04-17-2011   #3
بابكر


الصورة الرمزية بابكر
بابكر غير متواجد حالياً

بيانات اضافيه [ + ]
 رقم العضوية : 382
 تاريخ التسجيل :  Apr 2011
 أخر زيارة : 04-29-2011 (09:08 PM)
 المشاركات : 134 [ + ]
 التقييم :  10
لوني المفضل : Cadetblue
افتراضي



كلاااااااااااااام يا متنبي
أتحفتنا برائعة من الروائع السودانية الجميله
لك التحية ...
قول يا لطيف ..


 

رد مع اقتباس
قديم 04-18-2011   #4
الزعيم
.:: Mr.Photoshop ::.


الصورة الرمزية الزعيم
الزعيم غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Sep 2010
 أخر زيارة : منذ 2 يوم (03:04 PM)
 المشاركات : 6,042 [ + ]
 التقييم :  10
 الدولهـ
Sudan
 الجنس ~
Male
 مزاجي
 SMS ~
اللھٌم هي ،،أمي،،
حَرمت نَفسـهآِ منْ آمور لتسعٌدنآ
آللھٌم آرزقـهآ جَنتك فِيْ اﻵخرة
وَ فرّج همّـهآ فِيْ آلدٌنيآ ياآااآرْبَ .. ♥
لوني المفضل : Black

اوسمتي

افتراضي



يا سلاااام عليك ابدعت و الله يا متنبي ...

طه و ريا و دكين من القصص السودانية الخالدة و المشهورهــ ...


فهم الذين صعنوا تاريخ دار جعل اضافة للمك نمر ...

هؤلاء الاشخاص مفروض يتعمل ليهم شئ واضح في مدينة شندي ...

تسلم كتير يا غالي و يعطيك العافيه ....


 
 توقيع : الزعيم



رد مع اقتباس
قديم 04-18-2011   #5
متنبى
Μουτανάμπι


الصورة الرمزية متنبى
متنبى غير متواجد حالياً

بيانات اضافيه [ + ]
 رقم العضوية : 236
 تاريخ التسجيل :  Feb 2011
 أخر زيارة : منذ يوم مضى (06:30 AM)
 المشاركات : 15,134 [ + ]
 التقييم :  10
 الدولهـ
Sudan
 الجنس ~
Male
 مزاجي
 SMS ~
الى من ملكت قلبى واحتلت كل شرايينى سوف احبك دوما هو قدرى وانا سعيد به
لوني المفضل : Blueviolet

اوسمتي

افتراضي



اقتباس:
المشاركة الأصلية كتبت بواسطة بابكر مشاهدة المشاركة
كلاااااااااااااام يا متنبي
أتحفتنا برائعة من الروائع السودانية الجميله
لك التحية ...
قول يا لطيف ..



هههههههههههه
يا لطييييييييييييييف

بس ليه ؟؟؟


 
 توقيع : متنبى

مواضيع : متنبى



رد مع اقتباس
قديم 04-18-2011   #6
متنبى
Μουτανάμπι


الصورة الرمزية متنبى
متنبى غير متواجد حالياً

بيانات اضافيه [ + ]
 رقم العضوية : 236
 تاريخ التسجيل :  Feb 2011
 أخر زيارة : منذ يوم مضى (06:30 AM)
 المشاركات : 15,134 [ + ]
 التقييم :  10
 الدولهـ
Sudan
 الجنس ~
Male
 مزاجي
 SMS ~
الى من ملكت قلبى واحتلت كل شرايينى سوف احبك دوما هو قدرى وانا سعيد به
لوني المفضل : Blueviolet

اوسمتي

افتراضي



اقتباس:
المشاركة الأصلية كتبت بواسطة الزعيم مشاهدة المشاركة
يا سلاااام عليك ابدعت و الله يا متنبي ...

طه و ريا و دكين من القصص السودانية الخالدة و المشهورهــ ...


فهم الذين صعنوا تاريخ دار جعل اضافة للمك نمر ...

هؤلاء الاشخاص مفروض يتعمل ليهم شئ واضح في مدينة شندي ...

تسلم كتير يا غالي و يعطيك العافيه ....


يديك العافية يا زعااامة ...
واكيد هذه القصة كان ..
لها دور فى التشكيل الوجدانى ..
لدى الجعليين ومن حولهم ....
وعكس الصورة القيادية الرشيدة ..
والمرؤة ونصرة المظلوم ...
وغير ذلك من الصفات الحميدة ..
المغروسة فى اجدادناااا ...
لك التحية حبيبنااااا ......


 
 توقيع : متنبى

مواضيع : متنبى



رد مع اقتباس
قديم 04-18-2011   #7
هلالي وأفتخر
هـــــــــــــــــــــلالـــــــــــــــــي


الصورة الرمزية هلالي وأفتخر
هلالي وأفتخر غير متواجد حالياً

بيانات اضافيه [ + ]
 رقم العضوية : 18
 تاريخ التسجيل :  Sep 2010
 أخر زيارة : 06-18-2014 (09:53 AM)
 المشاركات : 28,155 [ + ]
 التقييم :  11
 الدولهـ
Sudan
 الجنس ~
Male
 مزاجي
 MMS ~
MMS ~
لوني المفضل : Blue

اوسمتي

افتراضي



مبدع يا متنبئ وأنت تذكرنا بأبداع أهلنا في الشعر
والحكمة والكرم والشجاعة .


 
 توقيع : هلالي وأفتخر

نحن في الوسط الرياضي
لابنخاصم لابنعادي
ساس شعاراتنا التسامح
والتصالح والتراضي


رد مع اقتباس
قديم 04-19-2011   #8
متنبى
Μουτανάμπι


الصورة الرمزية متنبى
متنبى غير متواجد حالياً

بيانات اضافيه [ + ]
 رقم العضوية : 236
 تاريخ التسجيل :  Feb 2011
 أخر زيارة : منذ يوم مضى (06:30 AM)
 المشاركات : 15,134 [ + ]
 التقييم :  10
 الدولهـ
Sudan
 الجنس ~
Male
 مزاجي
 SMS ~
الى من ملكت قلبى واحتلت كل شرايينى سوف احبك دوما هو قدرى وانا سعيد به
لوني المفضل : Blueviolet

اوسمتي

افتراضي



اقتباس:
المشاركة الأصلية كتبت بواسطة هلالي وأفتخر مشاهدة المشاركة
مبدع يا متنبئ وأنت تذكرنا بأبداع أهلنا في الشعر
والحكمة والكرم والشجاعة .



شكراااا يا برنس ع المرور
والتعليق الثرررررررررر ......


 
 توقيع : متنبى

مواضيع : متنبى



رد مع اقتباس
قديم 04-19-2011   #9
متنبى
Μουτανάμπι


الصورة الرمزية متنبى
متنبى غير متواجد حالياً

بيانات اضافيه [ + ]
 رقم العضوية : 236
 تاريخ التسجيل :  Feb 2011
 أخر زيارة : منذ يوم مضى (06:30 AM)
 المشاركات : 15,134 [ + ]
 التقييم :  10
 الدولهـ
Sudan
 الجنس ~
Male
 مزاجي
 SMS ~
الى من ملكت قلبى واحتلت كل شرايينى سوف احبك دوما هو قدرى وانا سعيد به
لوني المفضل : Blueviolet

اوسمتي

افتراضي



الحلقة الثانية
============

قالت له ريا :

عارض ومات خلاص لي الليلة يمكن عفن

طبعا ريا كانت خايفة خوف شديد من موضوع الحلم دا واراد طه ان يضع حدا نهائى لهذا الكابوس الذى اصبح هاجسا وحاجزا بينهم وبين النوم ,,, فقال لبنت عمه :
نحن احسن حاجة نعملها يا ريا اننا نعرس وننهى حياة العزوبية ونبدأحياة جديدة ونرمى ما مضى وراءنا



نحمد ربنا الليلة مات عارِضنا
وان كان عمروا طال يا ريا كان قارضنا
يلحقوا بي عجل ديش همنا المارضنا
نبدا زواجنا بكرة منو البيجي يعارضنا
بطال البعيش في الدنيا اصلوا غناه
ان كان مالو راح غير اهله مين يدناه
سمح البفوق اساس ابواتو تمه بناه
والزول دون قبيله غناه شن معناه
ما بنفرح بي مال ونقول كفانا ورثنا
نفخر بالرجال في الحارة يبقوا ترسنا
نجمع ناسنا هيلنا من الكبار حارسنا
يحضروا اهلنا فرحانين يباركوا عرسنا
كل بطحاني يفرح بي عرسنا مناه
ساعة جمعتن بيتنا يتم بناه
عذاب عيش العزب يا ريا مر ضقناه
سمح الزول صبي يلد ويربي جناه

وريا على الرغم من حبها العارم الى بن عمها الا انها رفضت هذه الفكرة لان وفاة والدها عبدالله لم يمر عليها العام ومازال الناس فى حالة حداد تقوم بنته وبن اخيه باعداد حفل زواج فماذا ستقول عنهم العرب ,,,

ده الاعوج تراه والشين نهايه حدو
إن شاع ده الخبر يملا الفريق لي حدوا
يقولوا ابكبس من دخل ود احدو
فرحوا وعرسو لا موجعن لا حدو

إن كان في الفريق ماتت مريه ذليله
لي الحول يرفعوا العرس الدخلتوا الليله
خليه ابكبس راجل الرجال ودليله
إن كان بي قبيلة تعدوا تبقي قليلة
خليه الكلام وعرسنا في ده الحال
من بالك أمرقو محال والف محال
علي ميتت ابوي لي الليله حول ما حال
نصبح بكره ونسه وبهادل حال

رد عليها طه وقال ليها :
الموت ما شمت غاية البخود والببروا
والموت والحزن ما جابو زول من قبرو
الزول في الشدايد أولي يلزم صبروا
يترجي الكريم مولاه كسره يجبروا
بنخاتر منو الوجعه هيلنا برانا
نحن أهل المصاب والناس عزا مجابرانا
في آخر المراح دايماً تجي الفترانا
عادة الحد ندوسا والناس عقب تبرانا
الناس بالمكارم والفعال بتباهو
زي الفطرة ينشا الزول حسب مرباهو
عادة جدو عادتو ونحل ابوه نباهو
يلبس ثوب قبيلته ان داره ولا اباهو

قالت ليهو ريا :
من الليلة حول مضيوه تاني اتكلم
الدايروا بيتم رب العباد ان سلم
رد عليها طه :
تاني امضي حول وانا بالحشا اتالم
علي حكمك صعب انا قابله ما بظلم
نستني السنة قاسية وصعيبه علينا
ردت عليه ريا :
تم الاتفاق من الكلام خلينا
زي عادة البلد لا زدنا لا قلينا
إن شاء الله السنة بي خيرة عايده علينا
يا طه البهم قرب رجوع سراحو
بنات واولاد ديك ناس فريقنا الراحو
نصيحة سمعتها من الكبار الراحو
قالو العربي ما بنعز كان ما مراحو
وتقوم ريا فايته علي الفريق وطه يعاين فيها وهي ماشه ويقول :
ياليت السعادة ان كان وقت ايديه
كنت اعيش غني في الدنيا بالزنديه
علي حكموا ناسي الفب اخذوا الديه
اموت بالعطش والمويه بين ايديا
اه يا رب ارحم صبري امس ضنين
يمحف ديه السنه ربي الحليم وحنين
يخصمه من حياتي رضيت بعشرة سنين


 
 توقيع : متنبى

مواضيع : متنبى



رد مع اقتباس
قديم 04-23-2011   #10
متنبى
Μουτανάμπι


الصورة الرمزية متنبى
متنبى غير متواجد حالياً

بيانات اضافيه [ + ]
 رقم العضوية : 236
 تاريخ التسجيل :  Feb 2011
 أخر زيارة : منذ يوم مضى (06:30 AM)
 المشاركات : 15,134 [ + ]
 التقييم :  10
 الدولهـ
Sudan
 الجنس ~
Male
 مزاجي
 SMS ~
الى من ملكت قلبى واحتلت كل شرايينى سوف احبك دوما هو قدرى وانا سعيد به
لوني المفضل : Blueviolet

اوسمتي

افتراضي



الحلقة الثالثة :
==============

ريا قامت من ود عمها وهى داخلة على الفريق قابلوها فرسان وبيتهم ود دكين فقال لها احد الفرسان :

بالضيفان تمري لا سلام لا كلام
صدقوا اهل المثل توب العرب صح لام

ودار بينهم الحوار التالى :

ريا ردت عليه :

حبابكم عشرة ومن دون كشرة والف سلام
يا وجوه العرب المتلي ما بتلام
انا بت الرجال اهل الدرق والسيف
بت الما بهموا بي حساب الخريف والصيف
بت البحجو لى المرقوب بكرموا الضيف
انا ريا كان شفتكم افوتكم كيف

العربي قال ليها :
من وين في الاهل كفاك فخر يا بنية
ردت عليه ريا :
انا بت البيوت المن بعيد معنيه
بى فوق السما نفوسنا وبيوتنا حنيه
انا بت ابكبس في النسبه بطحانيه

________________________________________
قام رد عليها ود دكين طبعاً عرفها انها هي زولتوا :
عبد الله ابكبس عز البطانه وفخري
في راس العرب بنعد ماهو الوخري
كريم وهميم كان للقبائل دخري
بت شيخ العرب هيلك صحيح تفتخري
توقد ناره ديمه الما بكوس الجمره
وفي الضيفان يهوش سكينو دايماً حمره
بي كاس ما عبر لبنو بيجيك بالعمره
هيلو الشكرة هيلو الرئاسه هيلو الامره
المرحوم ابوك كان للقبيله غطاها
عزك قديم عمك حسين ابو طه
ان شاء الله اخوك دي السكه
ان شاء الله اخوك دي السكه ما تخطاها

بقصد بيها ود عمها طه يعني هل هو في مكانه ابواتوا

فردت عليه ريا قايله :

كما يسد مكانن قدموا ليش يوطاها

لا يفوت ولا يموت الساحتو يوت مغشيه
تقابة الفريق يوقد صباح وعشيه
زايد في الرجال طالق قفاي ووشيه

رد عليها و دكين :
ما دخل التراب البركه في الذريه
والخلاك وراه ما بقولوا مات يا ريه
دايما في القبائل سيرة ابوك مطريه
بيكي وبي اخوك تزيد وديه المحريه

قام واحد من العرب داير يعرفا انه ده شيخ العرب ود دكين فقال :
ما بتسألي لامن وين ولا وين ترسو
قالتلوا ريا :
كيف العربي يسأل ضيفو كيفن تنسوا
أول بكرموا ويخابروا ساعة أنسو
من مقلب حديثو تعرف أبوه وجنسوا


فرد عليها العربي :

عملتي حسابو ضيفك وكرموا وجبتيه
يخجل كان سألتي وإسمو ما عرفتيهو
إسم شيخ العرب سامعابو ما شفتيه

ده خريف البطانه المالوا فيها مشارك
هيلوا السارحه هيلوا الصاهله هيلوا البارك
ما وقع لك كلامي ساكته لي شنو خبارك
فخرك ود دكين جاك في فريقك زارك

ردت عليه ريا :
اهلا حبابو العزو ماهو لفايه

اه فى وقفتم دى جا طه ورحب بى الضيووف :

مرحبتين حباب مرحب خريفنا الزارنا
حباب شيخ العرب اتشرفنبوا ديارنا
حباب راس العرب البيهو كل مدارنا
تنزلوا في الدرب مالنا ماتت نارنا

رد عليه شيخ العرب:
حباب طه الضرس والفي الصهيباب راس
الجود والكرم هيلك قديم ميراث
نارك ما بتموت با ولده الفراس
قاصدين ام شديدة ومعانا عوجه راس

رد عليه طه :
لعدوك العوج يا الفي الكبس سراي
راسك ما بدوس مليان رجاله وراي
باكر لي ام شديدة اركب معاك براي
لاكن يا شيخ العرب لازمن تختوا كراى
طبعاً شيخ العرب ما فهم كلمة كراى دي فقال لي طه :
هادي الشورة يا طه الغلبني دليله
كل البزمه القاهو فيك قليله
رد عليه طه شارح ليه كلمة كراي :
كراي الدايروا تبقوا ضيوفنا انتو الليلة
ترقدوا في الفريق حتي ان عشانا بليله
رد عليه ود دكين :
مسكنا الدرب أسرع قوام ما تلعب
دارك ديمه عامره والسمح ما بكعب
يكفين الوصف لاتشد جمل لا تتعب
وهدنا الطريق عقب الوصول ما بصعب

رد عليه طه:
يمين تغشوا الفريق بتفوتوا نحنا مقابر
رد عليه شيخ العرب :
عامر انشاء الله ديمه اياك مرسى العابر
مشطوطين خلاص مسكنا في دريب جابر
نخاف عوج الطريق منو لي المقدر خابر
رد عليه طه :
دريب جابر مزم والسكه سالكه ورايقه
فرقان ما بتلاقيك ما بتعوقك عايقه
اخد خاترنا نحنا قالوا واصله السايقه
بتراوح ام شديدة باكر وزواملك فايقه

رد عليه ود دكين :
الزول ان وعد شين ميعادو يخلفو
في ربط اللسان يسخابو دمو يتلفو
سفري الليله فيه زولين ما بختلفو
ضروري اصل ام شديده علي وعد بي حلفو
ما بعرف ازوق من نشيت تبيت
فريقكم لي فريق وبيتكم يمين لي بيت
اجيك ديناً علي حتي إن بقيت حبيت
هاك وعداُ نجيض ارجانا بكره مبيت
شوفتي للفريق ايام بكي ابواتك
ما غابني حالك سمعت بي نخواتك
فريقك بكره ضيفوا وما بفوتوا وحاتك
إلا أحققك وبراي اشوف نفحاتك
يا ود الهميم النفسوا ما معارضاه
كرم الضيف عليك مكانة ابوك فارضاه
جاييك في امر ان تابه وان ترضاه
غيرك ما بكوس واملي بس تقضاه

رد عليه طه :
غرضك مقضي كان احتاج لخيل وجمال
والضان والابل سارحات يمين وشمال

رد عليه ود دكين :
فوق القولتو انا لي فيك امال
رد عليه طه:
بي دمي الغرض اقضاهو خلي المال

المهم طه زي فهم شيخ العرب وده ماشيلوا جاي وطه ماشيلوا علي المال
فرد عليه شيخ العرب :

دي المأموله فيك وين الدرب خترنا
رد عليه طه :
دربكم في السلم
قالوا شيخ العرب :
والله تب ما ودرنا
بكره نجيك ان قلينا ولا كترنا

اب ناراً تولع للضيوف دفايه
بي شيخ العرب الإفتخار ما كفايه
تابعو إن جانا نجري ونخدموا حفايه
رد عليها ود دكين :
بارك ربي فيك عقلك يدوم يا ريا
كرمك ماهو كلفه دي طبعتك فطريه
إياك بت التلوب والسمته فيك محريه
قديم فوت البطاحين عزه للشكريه


 
 توقيع : متنبى

مواضيع : متنبى



رد مع اقتباس
إضافة رد

مواقع النشر (المفضلة)



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Rss  Rss 2.0  Html  Xml  Sitemap  sitemap


الساعة الآن 08:00 AM.

converter url html by fahad7



Powered by vBulletin™ Version 3.8.7
Copyright © 2014 vBulletin Solutions, Inc. All rights reserved.
حماية مؤسسة دعم فنى
HêĽм √ 3.2 OPS BY: ! ωαнαм ! © 2010
جميع الحقوق محفوظة لـ منتديات شندي اون لاين

Security team

vEhdaa 1.1 by NLP ©2009