ماشاء الله تبارك الله ماشاء الله لاقوة الا بالله - اشهد ان لا اله الا الله واشهد ان محمداً رسول الله


الإهداءات

الاخوة الاخوات الكرام : المنتدي منتداكم انشئ لخدمتكم و خدمة مدينة شندي فساهموا معنا للنهوض به

العودة   منتديات شندي اون لاين > القسم الفني > :: منتدي الاغاني السودانية :: > :: منتدي كلمات الاغاني السودانية ::
:: منتدي كلمات الاغاني السودانية :: يتهم بجميع كلمات الاغاني السودانية


كلمات اغاني شايقية

:: منتدي كلمات الاغاني السودانية ::


إضافة رد
قديم 10-09-2010   #31
عاشق


الصورة الرمزية عاشق
عاشق غير متواجد حالياً

بيانات اضافيه [ + ]
 رقم العضوية : 51
 تاريخ التسجيل :  Oct 2010
 أخر زيارة : 05-20-2011 (12:24 PM)
 المشاركات : 313 [ + ]
 التقييم :  10
لوني المفضل : Cadetblue
افتراضي



سامحني واصفح يا حبيب
********************
غ / عبدالقيوم الشريف
*******************


سامحني واصفح يا حبيب ساقوني منك بالغصب
ندمان ليه سبتك براك تتباكا في نص الدرب
سامحني واصفح يا حبيب
طمني حالك انت كيف والبي يهون مهم يكون صعب
أنا اصلي زول أحساسو مات من بدري معتاد الضرب
كم مره شانك يا مناي من حنضل الآلآم شرب
من خشمي تتقاطر دماي لو ينطق اسمك بالكذب
سامحني واصفح يا حبيب
نفوني من نص الديار يوم عرفوا أنى ليك بحب
لكني كل ما زال بعادي لقيتو شخصك لي قرب
سجنوني بين أربع حيط زربوني من جهتك زرب
لكني شايفاك كل يوم هل طيف خيالك يحتجب
سامحني واصفح يا حبيب
صالوني باليد واللسان وما في شيتاً ما سلب
غير حبك ألماقدرو يوم يصلوه ما اصلوا ساكن القلب
اغرب شي أنى بي وراك بنزل وانهان وانضرب
لكني في لحظة ألقاك بنساه زي الكان لعب
سامحني واصفح يا حبيب
وريتُن أنو لي حبيب لو خنته بشعر بالذنب
ساقيني راويني المحبة ومن حنانه كمان شرب
يا اخويا زي ريدك لي وليدك برضي للمريود بحب
والله لو حاس بي العلي ما بترض بيتي أنا يتخرب
سامحني واصف يا حبيب
زي ما بتدور ليه السمح لي برضوا خير الدنيا حب
لكني القى الدايراه وين من ناس معين خيرن نضب
دون شوره زي بياع الملح باعوني في السوق بالجلب
وما راعو لامي الدوام تتبكا شاني وتتحجب
سامحني واصفح يا حبيب
باريت لي زول بالجته بس بارنك الروح والقلب
أنا قلبي لو فارق ضراك ما اظنو من بعدك كسب
متحمله الآلام براي شايله الهموم ما بتتحسب
ما لقيت زول حس العلي شاركني همي معاي تعب
سامحني واصفح يا حبيب
عرفت صح ألم الضرب ما بحسه زول غير الضرب
الغر به كيف وعذابه ما بيطراه ألا المغترب
فوضته لـ الله الأمر وكتين من االتحنيس غلب
مظلوما والمظلوم دعوته من الله ما تحتجب
سامحني واصفح يا حبيب
بكتبلك هسة يا الحبيب مصبره وماسكه القلم
بكتبلك هسه والقليب مجروح يعاني من الالم
مكتوبي من شهر العسل شهر المرض شهر السجم
ملفوفة بي كفن الزفاف والحنة في أيديه دم
سامحني واصفح يا حبيب
مرقت من سجن الطغاه وقعت في الُزُل والوهم
وقبلت بي الواقع المرير وآمنت بي الله القسم
وقبلت بي الدايرنو لي كم قبلي مظلوم انظلم
ويئست من عيشة عذاب رامني في زول ما رحم
سامحني واصفح يا حبيب
انسانه صرت بلا طموح بلا مبادئ بلا قيم
وقنعت من الرحمة تب بس فيك ما انقطع العشم
ما زلت ياك مالك القليب رغم انو أمري أتحسم
وما زلت بفخر بيك واقول انت الحبيب في كل ملم
وبقوله قدام إي زول ما خايفه اصلوا الموت هو كم
أخر رسالتي بطمنك أرجوك ما تشيل لي هم
خليك في عهدك معاي الباقي ما يضوق ليه هم
سامحني واصفح يا حبيب
احفظني في جواك فرح بلسم تداويهو ألالم
زي حفظي ليك بين الضلوع انت وقلبي نجم نجم
واخواني سيبُن يفرحو أنا جرحي لسه ما التأم
يمكن ضميُرم يوم يحس ويعرفو أنى أنا أتظلم
ويعودوا عشان يبنوا الوقع كيفن بي بنو الانهدم
ديل ناس هوايتم الظلم ديل خلوا عيشتي بلا طعم
ما سوه بي حكم العقل ما بيندم الليه احتكم
الناس بتتقاس بي العقول ما بي الجلابيب والعمم
وأنا ماسكه في حبل الصبر في الله أملى ما انعدم


 

رد مع اقتباس
قديم 10-09-2010   #32
عاشق


الصورة الرمزية عاشق
عاشق غير متواجد حالياً

بيانات اضافيه [ + ]
 رقم العضوية : 51
 تاريخ التسجيل :  Oct 2010
 أخر زيارة : 05-20-2011 (12:24 PM)
 المشاركات : 313 [ + ]
 التقييم :  10
لوني المفضل : Cadetblue
افتراضي



اعــــــذريني
******************
تاني مـا بقدر ارجّع زي زمان عمري وسنيني
لـو سؤالك عني قصدك إنو عـــاوزة تحـسسيني
اني لسـع في خيالك انتي برضك جوه عيني
ولسه في وجداني عايشه وباقيه فيهو تآنسيني
ليكي كل الـود مصفى وليـكي اشواقي وحنيني
وبرضو في ذاكـرتي لحظة انت جيتي تودعيني
وكنت بترجاك واقوليـك مرة واحده اسمعيني
أبقي في دنيايـا فرحـه وابقي للايـام مـعيني
وابقي انتى الدنيا ذاتها وجيبي ريدك واصرعيني
ويلا نحيا نحـب بعضنا ونبقى نسرح في الاماني
وتـبقى كـل الدنيا فرحـه ونغـزل الامــال أغـاني
وكت بدفق في مشاعـري وسايل انهار ليك حناني
ونظـرتك كانت غـريبة وفيها كان اغـرب معاني
ولسه في يوم داك افكر وبرضي في الحسرات اعاني
وكلما حـاولت أهجـع الـقى طيفك قـام وجـاني
أعذريني
كنتي بالجد انتى غايه وكنتى فى عينى آيه
وكنتي لى قلبي المكان الفيهو بتناسى الرزايا
وكنتي شاطئ للاماني وكنتي احلامي ومنايا
وفجـأة مـا لقيتك مـعايا وبى وراك ضاعت خطايا
وتهت اعصر في مواجعي وفوق خشوم الناس حكايه
أعذريني
خـلي صورتـك تـبقى فـي عـيني مـكانا
وخلي قلبي يعيش عفافو اصلو بعدك تاه وعانى
وبى الفضل لى من كرامه تاني ما بحمل اهانه
ويبقى باقي العمر ماشي ويحكي للعشاق هـوانا
قصة من اجمل حـكاوي الريده كانت في زمانا
واعـــــذرينى


 

رد مع اقتباس
قديم 10-09-2010   #33
عاشق


الصورة الرمزية عاشق
عاشق غير متواجد حالياً

بيانات اضافيه [ + ]
 رقم العضوية : 51
 تاريخ التسجيل :  Oct 2010
 أخر زيارة : 05-20-2011 (12:24 PM)
 المشاركات : 313 [ + ]
 التقييم :  10
لوني المفضل : Cadetblue
افتراضي



لا تنجــّــع
************

الشائل شمسك فى جواك ..خليها تبين للناس تطلع
يا النازع فرحة وآلده هناك غير حسها ...هاتت مابتسمع
يالاناسى اللبقة المفتوحة ...هى بلاك طورتك مابتقرع
المنجل فى راس التمرة ...ناسيهو وامك مابتطلع
الكدِكه وقعت والحملان ..فى اللوبى بقت تجرى وترتع
والزير الفى بيت الضيفان ...حرمان لانَزّ ولا نَقّع

*********
ياالسبّته عقابك روحتّه ...وحياة عز بلدك لاتنجّع
الشتلة تقولك ...لاتنجعّ
الرملة تقولك ...لاتنجعّ
الواطة تقولك ...لاتنجعّ
الحوض الما رفّعته سرابو ...يهاتى يقولك لاتنجعَ
الحبل الماتميت مُسيرو ...يهاتى يقولك ...لاتنجعّ
والنيل الفى واطاتنا ترع ...يقولك ازرع ...لاتنجعّ
********
ماك فاكر يوم داير ترحل ...وابوك الحاج شايلوُ عصا
لاحيلو وقف طقش الابريق ...اندفق سال فوق المصلاة
قام بارا الحيطة واتوكل.... يقوم فد مرّة ومية يقع
يقولك تعال آمبروك ...ارجع
***********
ارجع ارجع يازول ارجع ...غير ارضك عاد مابتلقى بطاح
شن داير فى بلداً والناس مافيها نحاس ومافيها صباح
الليّل الويل مليان ...اتراح
بياع بيقول تفاح تفاح ...زى البيقول اراح افراح

**************
مجلوبه الفرحه ومفروشه ...من ضحك الناس دايرين ارباح
لوكان فى ايديهم ملك الكون ...كان لمو عبير الزمن الفاح
كان علمو نفس الزول العاش ...فى صدر الليل داير يرتاح
كان حجزو الغيم فى واطاتهم ..كان يامسكين باعو الاروآح
************
وين تلقى الفرحه وتتهنى ...فى دارنً ضيقِ ومافى برآح
جنب ناساً من عين العطشان ...تختف ومضات البرق اللاّح
************

سائب اهلك ونخلك راحل ...قول لى وين ماشى وين ياصاح؟
الشمسِ النايرى آبت تطلع ...النيل آزول اصبح رحراح
الضل قصّر ماغطى رويس ولداً ساكى.... عرق الكدّاح
الواطة أبت تديك الخير ...ولا انت عليك ماهبى رياح***********
قول وين ماشى وليه ماشى ...وليه سائب بلد الصـُلاّح
النسمه أن جاتك بجيك..... مليانه عبير عند البياــح
المويه ان داير تلقاها ...نقّاع واطيب من الـــراّح
وان درت نغيم الموج تلقىّ ...وان درت كمان الطير صدّاح
***********
ارجّع ارجّع يازول ارجّع ...
الضحكه هناك من جوه الجوف ....الفرحه هناك مافيها الخوف
الشقى ارحم فى ضل النيّم ...وبعيد من ناسً واقفه صــفــوف
جنب ناس حبّان تلقى المكسور ...مشيول فى كتاف واحد مكفـوف
الجّن الاحمر فاقد القيد ...فى خلوة حاج الخير ...مكتـــــوف
ودكان الشيخ فوق الواطّة ...كيمان كيمان مافيهو رفــــوف
*************




 

رد مع اقتباس
قديم 10-09-2010   #34
عاشق


الصورة الرمزية عاشق
عاشق غير متواجد حالياً

بيانات اضافيه [ + ]
 رقم العضوية : 51
 تاريخ التسجيل :  Oct 2010
 أخر زيارة : 05-20-2011 (12:24 PM)
 المشاركات : 313 [ + ]
 التقييم :  10
لوني المفضل : Cadetblue
افتراضي



عشان خاطر عيونك
ك / الفاتح ابراهيم بشير


عشان خاطر عيونك ديل افارق حلتي و وطني

اسافر من بلاد لي بلاد كمل صبري وراح بدني
اضوق المرة واتغرب واكون مجبور اشد رحلي
وافوت ناسا حنان طيبين واقوت مرتع صباي واهلي
اشيل الزاد غنيواتنً اردد فيها من جهلي
كلامه يقول انا الراحل وجاييك بكرة يا املي
جاييك يا غرام الروح لو حتى السنين دار تابة
وجاييك لو سنيني تدور وتدوس امالي انيابة
وجاييك لو يطول الليل ولو يبقى الوطن غابة
جاييك قولي لي كيف انساك وانا السافرته عشان عينيك
فت درب الوطن والعزة والحله المنورة بيك
فت امي وقليبه الحاني وحاجات تاني خافي عليك
وانت لا تشغل قليبك بيها ما دام الصحاب حوليك
قول لي يا حبيب برجاك لو حتى اغترابك طال
وقل لي ما بخونو هواك وما بسمع كلام عزال
وقول لي غير غرامك انت ريد يشغل قليبي محال
وطمن قلبي يا مريودي باقي الغربه زاته نضال


 

رد مع اقتباس
قديم 10-09-2010   #35
عاشق


الصورة الرمزية عاشق
عاشق غير متواجد حالياً

بيانات اضافيه [ + ]
 رقم العضوية : 51
 تاريخ التسجيل :  Oct 2010
 أخر زيارة : 05-20-2011 (12:24 PM)
 المشاركات : 313 [ + ]
 التقييم :  10
لوني المفضل : Cadetblue
افتراضي



صرخه
ك / محمد سفلة
هيج سكون الليل بكاى قاسم عويناتى السهر
لمن سمع همسة غناى مجرورة فى قلب الوتر
احمينى من جور الزمان يابوحه من إيد القدر
دسينى فى هدب العيون أو بين تصافيف الشعر
خلينى فى جواك كلام أو بسمه فوق أحلى الدرر
واسقينى كاسات الحنان من فم أكاليل الزهر
سوقينى لى دنية هواك نسينى الآم السفر
طرينى ياإلهام غناى افراحنا وايامنا الغرر
ورينى كيف الليل يضيع فى ضى تسابيح السحر
وحجينى بالغنوة الزمان قنا فى وجه القمر
حسينى كان مات الكلام أو بهتت ألوان الصور
تارينى غشانى الخيال عجلت راحل ماأنتظر
غتينى شمس الشوق فقع بكانى والدمع انهمر
ابرينى فى النقعه انشويت ابقيلى ضلالة مطر
سامحينى ندمان دار اموت بى همى والادهى وامر
صافينى ياغالية رجاى الماكى من طينة البشر
نص دينى إيمانى العميق بالريده من غيرك كفر
ود عينى لابد فى الدموع واقف تلوت الليل غفر
يعمينى من تالاهو نوم قطع حبال صبرى الحزر
جايينى جاييك لاننوم ساسقته بى فكرى وفتر
سابينى شوقك مت حى بين حاضرى والماضى الاغر


 

رد مع اقتباس
قديم 10-09-2010   #36
عاشق


الصورة الرمزية عاشق
عاشق غير متواجد حالياً

بيانات اضافيه [ + ]
 رقم العضوية : 51
 تاريخ التسجيل :  Oct 2010
 أخر زيارة : 05-20-2011 (12:24 PM)
 المشاركات : 313 [ + ]
 التقييم :  10
لوني المفضل : Cadetblue
افتراضي




الضرب فوق الميت
ك / محمد سفلة
إعدت الجراح ياغالية ما عاد البشوفو جديد
ومابشعر بقيت بالطعنه مهما كان مداها بعيد
واحد عندى كان الامى تنقص واللا تانى تزيد
واللا أصبح ملاقى مأسى واللا يطل على العيد
ماهو غريب عليها الدنيا تقصد قلبى بالتحديد
ودون الناس براى ياحلوة ابقه عدوها انا الويحيد
يانى صريعه من شبيت فوق مهد الطفولة وليد
ولم كبرته واترعرعت فى دنيا الغرام والريد
من نار العذاب الضوقتو لو ماكنت زول صنديد
كان فى قبرى بدرى رقدت فى جوف ود أحدو شهيد
إلا هواك ملانى عزيمه آه يابلبلى الغريد
بلقاك والمحن حابكانى دايماً ليه مادى الليد
الا الليله عاد فى الغربه نازف قلبى دمو صديد
والموت قبل أجيك صدقنى ياهو مصيرى تانى أكيد
الشقى فيها أمسى غرينى والقيد فى خطاى حديد
والشوق بى لهيبو ونارو يلعب فى حشاى عربيد
فى ركن السجون اتباكه أرزح فى الظلام والقيد
وخايف تبقى فيها اقدارى حاكمه على بالتأبيد
لويجدى الشعر ادمنتو كم سطرت فيهو قصيد
وترجمت العليا أغانى لو قول الشعر بيفيد
لو عش فى الجنان يابوحه غيرك ماحأبقى سعيد
ودونك لو هدولى ثماره برضىء أشوفه مره شديد


 

رد مع اقتباس
قديم 10-09-2010   #37
عاشق


الصورة الرمزية عاشق
عاشق غير متواجد حالياً

بيانات اضافيه [ + ]
 رقم العضوية : 51
 تاريخ التسجيل :  Oct 2010
 أخر زيارة : 05-20-2011 (12:24 PM)
 المشاركات : 313 [ + ]
 التقييم :  10
لوني المفضل : Cadetblue
افتراضي



آهـ يا بلد
ك / السر عثمان الطيب



يا راقـداً قـدام عيونـي نهـر عسـل
وتـــرعــــة لــــبــــن
أنـا ليـك أشابـي وبـيـك أهـاتـي
وضـمـه مــا قـــادر أصـــل
حوريه من الجنه فـوق وجـه الأرض
يـا دي السماحـه ويــا الـعـرض
انـا قلبـي بـى دوب حبـك انــت
الـنـار تحـرقـو تــب نـجــض
لهـفـان علـيـك آه يـــا بـلــد
جــــاي مــــد ايــديـــك
جيـب حضنـك الـدافـي الحـنـون
ابــقــالـــي عــــــــون
انــــا مـــــا ولــيـــدك
خافـلـي يــا وطـنـي الجـنـون
الــبــعـــد عــــنــــك
ربى فى فكـري الهلاويـس والظنـون
مــا بـيـن شـجـون وشـجــون
وحاتـك كـل يـوم تـزداد شـجـون
متل العصيفير صرت وكت الريح تولول
تلقا حـاس مندسـي بينـات الغصـون
إن طــــــار يـــخــــاف
كيفن مصيرو مع الرياح باكـر يكـون
وان حــــــاول الـــنـــوم
تلقى نومو تملـى فـار مـن العيـون
آه يــــــــا بــــلـــــد
لــــــولا الـــظــــروف
والله فـرقــك مـــاب يـهــون


 

رد مع اقتباس
قديم 10-09-2010   #38
عاشق


الصورة الرمزية عاشق
عاشق غير متواجد حالياً

بيانات اضافيه [ + ]
 رقم العضوية : 51
 تاريخ التسجيل :  Oct 2010
 أخر زيارة : 05-20-2011 (12:24 PM)
 المشاركات : 313 [ + ]
 التقييم :  10
لوني المفضل : Cadetblue
افتراضي



وهذه قصة لقصيده جايبنها ليكم من الجيران


رفض لذيذ

دخلت الصالون عندما استدعاها والدها فوجدت على يمينه والدتها وعلى يساره شقيقها الاكبر وخالها واحد اعمامها وزوجة عمها واقفه مستنده على الحائط ...
فاجأها والدها بعد ان قالت السلام عليكم مباشرةً
الوالد: يابت ودعمك(.........) دا قال دايرك يعنى طلب يدك رايك شنو؟
الابنه :دون تردد قالت وبدون تفكير (انا دايره اقرأ)!!!!!!!!!!!!!!!!!
اندهش الجميع وهم بين مصدق ومكذب فلم ينبثوا للبنت شفه تراجعت البنت قليلا قليلا حتى وجدت نفسها خارج الصالون تسترق السمع الى الحوار المقتضب الذى يدور بالداخل
الام :والله البت دى مجنونه انا عارفاها دايره الولد دا بس السخته شنو مابعرف.
الاب : ياود انت رأيك شنو ؟
الاخ: والله ياابوى انا حاس بى انو العلاقه بيناتم جيده جدا وهو صاحبى وودعمى وهى اختى يعنى لو بتكرهو كنت عرفت
الخال: كدى ياجماعه نخلى الموضوع دا شويه وانا بتكلم مع البت واجيب لكم خبرها
زوجة العم : قالت دايره تقرا قالت طيب الونسه والاحترام الكلو يوم والطلوع والنزول دا يسمو شنو ؟؟؟؟؟؟
تركتهم يتحاورون بين مندهش ومستغرب وخرجت لاتلوى على شئ فصادفها ابن عمها العريس المرفوض عند الباب ... فقال لها : انا عارف السبب ماقرايه عاوز اعرف البينا دا نسميهو شنو ؟ واعرف سبب الرفض الحقيقى شنو واعتبري دا اخر طلب.


فقالت له
ود عمى ياغالى اسمعنى فد مرَّه
خجلانه اقول ليكا لكنى مضطره

تكفيك وسامتك بس كان الجمال مقياس
فضلا عن احلى خصال راقى ورقيق وناس
زان كبريائك زوق وانفه ورجوله وباس
وفوق الذكرتو كمان مابتنقصك شهره

عاجب بنات الحى وليهن فتى الاحلام
وانا زاتى معجبه بيك وبعتزه بيكا دوام
لكنو اعجاب زول يملك مشاعرو تمام
ما قايله للامال بيقيف حجر عثره

يوم شاورونى عليك ما قلت فيك عيوب
ما انت ود عمى ولى اخواتى مقنع وتوب
كان عذرى واهى صحيح عذر انفعال وهروب
وبين دهشه واستغراب انا قلت دايره اقرا


لكنو ما كان صاح وماها القرايه سبب
وانا خفت اقول الصاح ويقولوا قلة ادب
مانى البت البتقيف ترفض لى ابوها طلب
وانا باره بى والدى من العقوق ابرا


لكنو كان مفروض وواجب على اختار
وكان العقل مابين حب واحترام محتار
مالقيت مكان فى النص بين الجنان والنار
وانحزت لى قلبى واخترت بالفطره

صاح الحديد بيذوب وبينصهر بالنار
وبين مطرقه وسندان يتقوَم المسمار
وعاتى الجبال بيزول بالعزم والاصرار
الا القليب مابريد بالقوه والجبره

صعب انو تلقا مناك فى الدنيا زى ماتدور
وهراوة الاقدار بين الامانى تدور
الصدفه باعه طويل والحظ بيلعب دور
ودايما مع العشاق ما بتسلم الجره

صدقنى ما بالايد الدايرو ينسوه
ومين يستطيع تبديل القسمه بالقوه
سامح اخيتك اخوى لا تنسى للخوه
ومهما الاخت غلطت مقبول اكيد عذره

دايراكا تبقى ربيع يغشى المحل والصى
ودايراك تكون للناس قدوه ونموذج حى
يشمل عفوك الكل ينشره غيمه على
زى زهره للقاطفين برضو بيفوح عطره

الدنيا كوم احزان تتخلله الفرحه
ومعانى متناقضات يصعب دوام شرحه
الحزن مهما طال يتلاشى فى لمحه
ومواسم الافراح دايما عجول قطره

لو غربت ضحكه الدمعه بتشرِّق
وبتجمع الاقدار كان القسم تفرق
ليل الالم لو طال شمس الهنا بتشرق
وبترحل الاحزان مهما يطول عمره

اعذرنى ودعمى والله مابيدى
وانت الطلبتو عزيز وانا زاتى ماعندى
وبقولو فاقد الشئ من وين وكيف يدى
وانا قلبى ماهو معاى شالو الملاك فره


 

رد مع اقتباس
قديم 10-09-2010   #39
عاشق


الصورة الرمزية عاشق
عاشق غير متواجد حالياً

بيانات اضافيه [ + ]
 رقم العضوية : 51
 تاريخ التسجيل :  Oct 2010
 أخر زيارة : 05-20-2011 (12:24 PM)
 المشاركات : 313 [ + ]
 التقييم :  10
لوني المفضل : Cadetblue
افتراضي



وصونى ليك
ك/ مختار دفع الله
الزهور الشايله منك
روعة اللون والاثاره
والقمارى الراجعه بسراع
لى دياره ولى صغاره
والجروف المن عيونك
كان خداره وازدهاره
وصونى ليك وقالوا لىَّ
ابقى عشره على الاميره
خلى بالك لى عيونها
وابتساماته المثيره
ولو سرح خاطر صباحك
وعدى فى ليل الضفيره
ابقى اكتب للوسامه
ولى حلاوة الابتسامه
وادعو يا الله السلامه
تبقى ما الرحله الاخيره
ويوم تهوم فى عيونا
فى ضجيجا وفى سكونا
يستحيل يخطر فى بالك
يوم تخونا
ويبقى فى عينيك سكونا
وكل احلاما الكبيره
وصونى ليك
البنفسج فى ربيعو
لا اخون فى يوم هواكى
لا زهر ريدك ابيعو
والامانى الفى عيونك
يستحيل فى يوم يضيعو
حتى لو راحت سنينى
وعمرى ما صادف ربيعو
وصونى ليك
وقالوا فى عز الوصية
خلى بالك للبنيه
الكلاما رقيق وحانى
زى نسايماً موسميه
وهى الوقت تضحك بتضحك
رعشة الشوق النديه
وهى اللى بيها عمرنا اصبح
دنيا حالمة وسرمديه
وهى اللى ساكنه مع الخواطر
وبرضو نشتاق ليها هى
وصونى ليك
الفراشات الانيقه
واحرف الشوق الرقيقه
والزهور الفى الحديقة
وصتنى ليك
وهى بتسلم عليك
والوصيه المنى ليك
خلى بالك لى عينيك
اصلى مشتاق ليها جداً
والغريبه معاى عيونك
يوم يشيلن
ويوم يودن


 

رد مع اقتباس
قديم 10-09-2010   #40
عاشق


الصورة الرمزية عاشق
عاشق غير متواجد حالياً

بيانات اضافيه [ + ]
 رقم العضوية : 51
 تاريخ التسجيل :  Oct 2010
 أخر زيارة : 05-20-2011 (12:24 PM)
 المشاركات : 313 [ + ]
 التقييم :  10
لوني المفضل : Cadetblue
افتراضي



بلادي انا


بلادي يابلادي اهلا يا بلادي

الف تحية ليكي من الفؤادي

بلادي بلادي اهلا يا بلادي

صدورنا حماية ليكي من الاعادي

بلادي انا بلاد ناسا مواريثم في اول شي كتاب الله

وخيل مشدود وسيف مسلول حداهو درع

تقاقيبن تسد الليل مع الحيران وشيخا في الخلاوي ورع

والله كم نخلاتا تهبهب في جروفا الساق

بقرة حلوبة تتضرع وليها ضرع

وساقية تصحي الليل مع الفجراوي

يبكي الليل ويدلق في جداولو دمع

يخدر في بلادي سلام

خدرة شاربة موية النيل

تزغرد في البوادي زرع

بلادي سهول بلادي حقول

بلادي الجنة للشافوها او للبرّة بيها سمع

بلاد ناسا تكرم الضيف

حتى الطير يجيها جعان ومن اطراف تكيها شبع

تشيل الناس وكل الناس وسع بي خيرو لينا يسع

وتدفق مياه النيل على الخيران

بياض الفضة في وهج الهجير بيشع

بلادي الصفقة والطنبور

داراتا تنح باليل

بنوتا تحاكي الخيل

تشابن زي جدي الريل

وشبالا مكنتل في الطريفو ودع

بلادي بلاد من التاريخ

من تيرهاقا لا عن ميسنا

حتى ان جاي خيرو تروع

بلادي امان بلادي حنان وناسا حُنان

يكفكفوا دمعة المفجوع

يحبوا الدار

يموتو عشان حقوق الجار

يخوضو النار عشان فد دمعة

كيف الحال لو شافوها سايلة دموع

ديل اهلي ديل اهلي

يبدو الغير علي زاتم

يقسموا اللقمة بيناتم

يدو الزاد حتى ان كان مصيرم جوع

ديل اهلي البقيف في الدارة وسط الدارة واتنبر كل الدنيا ديل اهلي

عرب ممزوجة بي دم الزنوج الحارة

ديل قبيلتي لمن ادور افصل ديل فصلي

اصحاب روحي والاحساس وسافر في بحار شوقم زمان عقلي

اقول بعضي الاقيهم تسربو في مسارب الروح

يقو كلي

محل قبلت القاهم معاي معاي زي ضلي

وكان ما جيت من زي ديل واسفاي وا ماساتي وا زّلي

تصور كيف يكون الحال لو ماكنت سوداني

واهل الحارة ما أهلي


 

رد مع اقتباس
إضافة رد

مواقع النشر (المفضلة)

الذين يشاهدون محتوى الموضوع الآن : 2 ( الأعضاء 0 والزوار 2)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
كلمات اغاني الفنان محمد الامين الزعيم :: منتدي كلمات الاغاني السودانية :: 11 11-28-2012 08:29 PM
كلمات اغاني المشــوكشيـن و المشوكشــات الزعيم :: منتدي كلمات الاغاني السودانية :: 16 07-16-2011 09:49 PM
كلمات اغاني صلاح بن البادية عاشق :: منتدي كلمات الاغاني السودانية :: 37 11-29-2010 09:49 AM
كلمات اغاني كاظم الساهر عاشق :: منتدي كلمات الاغاني السودانية :: 8 10-11-2010 03:56 PM
كلمات اغاني عبد الكريم الكابلي عاشق :: منتدي كلمات الاغاني السودانية :: 3 10-02-2010 05:31 PM

Rss  Rss 2.0  Html  Xml  Sitemap  sitemap

Loading...


Powered by vBulletin™ Version 3.8.7
Copyright © 2014 vBulletin Solutions, Inc. All rights reserved.
حماية مؤسسة دعم فنى
HêĽм √ 3.2 OPS BY: ! ωαнαм ! © 2010
جميع الحقوق محفوظة لـ منتديات شندي اون لاين

Security team

vEhdaa 1.1 by NLP ©2009